ബെംഗളൂരു: 150-ലധികം ആശാ പ്രവർത്തകർ ബുധനാഴ്ച ഫ്രീഡം പാർക്കിൽ ശമ്പളവും ഇൻസെന്റീവും വൈകിയതിൽ പ്രതിഷേധിച്ചു. പ്രതിമാസ ബസ് പാസും ആരോഗ്യപ്രവർത്തകർ ആവശ്യപ്പെട്ടു.
ബെംഗളൂരു നഗരപരിധിയിൽ ജോലി ചെയ്യുന്ന അംഗീകൃത സോഷ്യൽ ഹെൽത്ത് ആക്ടിവിസ്റ്റുകൾക്ക് (ആശ) മൂന്ന് മാസമായി ശമ്പളം നൽകുന്നില്ലെന്നും അവരുടെ ഇൻസെന്റീവുകൾ വൈകിയെന്നും പറഞ്ഞുകൊണ്ടാണ് പ്രതിഷേധം നടത്തിയത്. ഇത്തരം പ്രശ്നങ്ങൾ അടിക്കടി ഉണ്ടാകാറുണ്ടെന്നും സമരം നടത്തിയതിന് ശേഷമേ ശമ്പളം നൽകുന്നുള്ളൂവെന്നും അവർ വ്യക്തമാക്കുന്നു.
എല്ലാ മാസവും അഞ്ചാം തീയതി ശമ്പളം നൽകണമെന്ന് അധികൃതർ ആവശ്യപ്പെട്ടിട്ടുണ്ട്. തങ്ങളുടെ തൊഴിൽ വിവരങ്ങൾ രേഖപ്പെടുത്തുന്ന റീപ്രൊഡക്റ്റീവ് ആൻഡ് ചൈൽഡ് ഹെൽത്ത് (ആർസിഎച്ച്) പോർട്ടലിന് സാങ്കേതിക പ്രശ്നങ്ങളുണ്ടെന്നും പ്രതിഷേധക്കാർ പറഞ്ഞു. പോർട്ടലിൽ നിന്നുള്ള ഡാറ്റയെ അടിസ്ഥാനമാക്കി കേന്ദ്ര സർക്കാർ അവർക്ക് പ്രതിഫലം നൽകുന്നതിനാൽ, ഇത് അവരുടെ ശമ്പളത്തെ ബാധിക്കുന്നു, അവർ പറഞ്ഞു.
ആയുഷ്മാൻ ഭാരത് ഹെൽത്ത് അക്കൗണ്ട് (എബിഎച്ച്എ) കാർഡുകൾ, തിരഞ്ഞെടുപ്പ്, ഇസഞ്ജീവിനി തുടങ്ങിയവയുമായി ബന്ധപ്പെട്ട അധിക ജോലികൾ നിർബന്ധിക്കരുതെന്നും അവർ ആവശ്യപ്പെട്ടു. തൊഴിലാളികൾ കഴിഞ്ഞ മാസം ഹെൽത്ത് കമ്മീഷണറെ കണ്ടപ്പോൾ ശമ്പളം ഉറപ്പുനൽകിയതായി കർണാടക രാജ്യ സംയുക്ത ആശ കാര്യകർഥേയര സംഘത്തിന്റെ തലവൻ രാമ ടി.സി പറഞ്ഞു.
എന്നാൽ തങ്ങളുടെ ശമ്പളം ഇതുവരെ ലഭിച്ചിട്ടില്ലന്നും ആർസിഎച്ച് പ്രശ്നവും പരിഹരിക്കപ്പെട്ടിട്ടില്ലന്നും അവർ പറഞ്ഞു. പ്രശ്നങ്ങൾ പരിഹരിച്ചില്ലെങ്കിൽ തൊഴിലാളികൾ വലിയ പ്രതിഷേധം സംഘടിപ്പിക്കുമെന്നും ആരോഗ്യമന്ത്രി തങ്ങളുടെ പ്രശ്നങ്ങൾ അവഗണിക്കുകയാണെന്നും കാണാൻ അവസരം നൽകുന്നില്ലെന്നും സംഘടകർ ആരോപിച്ച്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
